Let we struggle our way

Posts Tagged ‘Ilyas Nazar Shaheed’

ایک اور سانحہ – الیاس نذر شہداء کے قافلوں سے جا ملے

In Baloch Martyers on January 6, 2011 at 2:55 am

ایک اور سانحہ – الیاس نذر شہداء کے قافلوں سے جا ملے

تحریر نواز بگٹی

ابھی سوئی میں پنجابی فوجی سربراہ کے نا پاک قدموں کے نشان مٹ نہیں پاۓتھے کہ بلوچ قوم کے لئے تربت سے ایک لرزہ خیز خبرجوانسال بلوچ طالبعلم  الیاس نذر بلوچ کے شہادت کی موصول ہوئی-
الیاس نذر بلوچ کو ٢١ دسمبر ٢٠١٠ کو کوئٹہ سے تربت جاتے ہوے راستے میں قابض افواج نے اغوا کر لیا تھا – الیاس نذر شہید کہ جسے شہید لکھتے ہوے ہاتھ تک کانپ جاتے ہیں ، جامعہ بلوچستان کے ہونہار طلباء میں شمار ہوتے تھے ، وہ بچوں کے لئے شایع ہونے والے  ایک بلوچی رسالے کے مدیر بھی تھے –  انکا قصور تو شاید انکے قاتلوں کو بھی معلوم نہیں ، شاید کہ تعلیم نے اس کے سر کو آقاؤں کی درگاہ پر سجدہ ریز ہونے کے قابل نہیں چھوڑا تھا- کل کو یہ اکڑی گردن شاید پنجابی استعمار کو کھل کر چیلنج کرتی ، صرف یہی اس کا جرم تھا – شاید وہ  پنجابی استعمار کے پالتو احسان شاہ نامی درندے کے دروازے پر ماتھا ٹیکنے کا روادار نہیں تھا-   بلوچ حلقوں میں شروع دن سے اغوا شدہ بلوچوں کی زندگیوں کے بارے میں تشویش پائی جاتی تھی ، اور پنجابی وحشیوں سے کسی بھی انسانی روش کا توقع نہیں تھا – اور یہ خبر ہم سب پر بجلی بن کر گری – لیکن استعماری طاقتوں کو اندازہ نہیں کہ قلم تھامنے والی انگلیاں جب بندوق کے گھوڑے پر دھری جاتی ہیں تو تاریخ ہمیشہ ارنستو چہ گویرا کو جنم دیتی ہے-
میں سوئی میں ملٹری کالج کے آڑ میں فوجی اڈے کے افتتاح  کے موقع پر پنجابی افواج کی فروغ تعلیم کی کوششوں اور علم دوستی کی شان میں قصیدہ خواں امرا و وزراء کے لاؤ لشکر،گورنر ، وزیر اعلیٰ، اور نام نہاد وڈیروں کو صرف اتنا کہنا چاہوں گا کہ ان میں اگر ذرا بھی غیرت ، تھوڑی سی بھی حمیت ، بلوچ ماؤں کے پاک دودھ کا ذرا بھی اثر ہے تو جامعہ بلوچستان کے ہونہار شاگرد الیاس نذر بلوچ کی والدہ ماجدہ سے جا کر معافی مانگیں ، اس کے پاؤں پکڑیں اور گڑگڑائیں کیونکہ اس کے لال کو کسی اور نے  نہیں انہی کے مربی افواج نے اغوا کر کے بیدردی سے قتل کر دیا ، اور ویرانے میں بے گور و کفن پھینک کر فرار ہو گۓ – ورنہ بلوچ قوم اپنے قومی مجرموں کا جہنم کی گہرائیوں تک پیچھا کرے گی –
میں یہ کہتے ہوے ایک لمحے کو بھی تذبذب کا شکار نہیں ہوتا کہ تم سب مردود بے گور و کفن مر جاؤ گے اور الیاس ایسے سپوت قوم کی یادواشتون میں ہمیشہ ہمیشہ کے لئے جیتے رہیں گے –

Advertisements